مصطلحات مهمه في الراب

 اهلا بيك في منتدي Rap4all.. او الراب للجميع.. مقال النهارده عن اهم مصطلحات الراب الي متداوله بين الجمهور.. النهارده هنجاوب علي كل ده.

خلينا متفقين ان أي اغنيه لازم تتكون من :

1 - Veres 

2 - Chouras

3 - Bridge (في معظم الأغاني)

4 - intro

5 - outro

الفيرس : ببساطه شديده فيرس يعني مقطع غنائي.. تقدر تكتب الفيرس بتاعك بعدد معين من السطور او مش لازم تلتزم بعدد معين 

*في حاله لو هتلتزم بعدد معين*

لازم يكون 16 بار (سطر) 

او 8 بارات 

او 32

وبعدها بتحط الChouras

طيب أيه هو الChouras؟! 

وده ببساطه فاصل غنائي متكرر.. بيحتوي على بارين او اربعه او 8.. بيتكرر في التراك سواء بعد كل فيرس.. او اخر التراك او في الأول التراك بس هنا هيتسمي (intro) 

الintro بشكل عام هو بدايه الBeat(اللحن) قبل ما يدخل فيه Melody(موسيقى خلفيه) او Kick او Snear او Hats 

جميل.. 

طيب والOutro؟ 

ده بكل بساطه هو نهايه الBeat، والي بيكون Melody بس 

نيجي للBridge 

وهو فاصل غنائي بس غير متكرر.. وبيعتمد علي الBeat بشكل كلي.. بمعني ان في اغلب البيتات.. بتلاقي ان ممكن الرتم يتغير ويكون هادي اكتر وكل حاجه تتغير في فتره زمنيه قليله... فا انت كا رابر لما بتكتب على الجزء ده.. ده كده بيتمسي Bridge 

نيجي لمصطلحات تانيه زي :

1 - Bar - line 

2 - Bunch Line 

3 - Flow

3 - Material's 

3 - Rthyme

4 - Attuide

5 - Spit 

نيجي للBar أو الline.. حسب كلام معظم الرابرز فا الBar هو سطرين والline هو السطر وحسب ناس تانيه فا الBar هو هو line.. في الحالتين المصطلح الأكثر تداول ان الbar يعني سطر وهكذا الline

جميل، نيجي للbunch line.. (الشطر القبضه) بالترجمة الحرفيه.. او زي ما تقول الضربه القاضيه.. وده بيكون لاين بعد الSetup.. الSetup ده الي بيكون قبل كل بنش.. وببساطه شديده الBunch line هو السطر الي زي ما تقول عليه قصف جبهه او ضربه قاضيه.. او البار الي بيجيب نويز كتير وبيهين الخصم جامد.. ياريت يكون المغزي وصل 

نيجي للماتيريالز او الحقائق.. دي ببساطه بتشمل حقائق عن الخصم... بيستخدموها الرابرز لإهانه الخصم في إطار bunch line.. ودي انت بتجمع data او معلومات فيها ماتريالز عن خصمك عشان في النهايه تكون منها بارات

نيجي للFlow 

وده ببساطه هو الأداء بتاع الرابر.. طيب يفرق ايه عن الAttudie.. ببساطه الأتتيود هو طريقه إلقاء الشخص اما الFlow هو الاداء بشكل عام 

الSpit.. يعني طريقتك في مخارج الحروف.. بمعني ان فيه شخص في اغلب تركاته بياكل معظم الحروف في البارات بتاعته.. إذن فا ده شخص الSpit بتاعه ضعيف.. ياريت تكون المعلومه وصلت

نيجي للرايم أو الريزم او الرِتمْ.. وسميها زي ما تسميها ودي ببساطه القافيه.. طب ايه هي القافيه؟.. يعني كلمه حروفها بتطابق كلمه تانيه 

رياح، مفتاح إلخ

وطبعاً ليها أنواع كتيره جدا هنعرفها في المقال الجاي ان شاء الله 

في نهايه المقال.. احب أوضح ان سواء سنك كبير او صغير او راجل او بنت.. فا في النهايه الراب هو اسلوب حياه.. الطريقه الأفضل في انك تعبر عن الي جواك.. ياريت تعمل شير للمقال عشان غيرك يستفاد.. 

الي كتب المقال ده (Sonic Zx) 

#اتعلم_صح

#ابتدي_صح

ملحوظه : لو في اي خطأ إملائي في المقال ياريت تكتبه لينا في الكومنتات.. ولو عندك وجه نظر تانيه في الكلام الي اتقال.. هنكون مبسوطين جدا لو تشاركنا بيها.. شكراً.